බොරැල්ල පොලිස් වසමේ හල්ගහකුඹුර ප්‍රාදේශීය පුද්ගලයෙකු හට ටී56 වර්ගයේ ගිනි අවියකින් වෙඩි තැබීමේ සිද්ධිය සම්බන්ධයෙන් කොළඹ අපරාධ කොට්ඨාසයේ නිළධාරීන් හා බොරැල්ල පොලිස් ස්ථානයේ නිලධාරීන් විසින් විමර්ශන ආරම්භ කර තිබෙනවා.
එම කොට්ඨාසයේ නිලධාරීන්ට ලද තොරතුරක් මත මෙම අපරාධය සඳහා ආධාර අනුබලදීම සම්බන්ධයෙන් සැකකරුවන් දෙදෙනෙකු ඊයේ (04) රාත්‍රී කාලයේ බොරැල්ල පොලිස් වසමේ සිරිසර උයන හා වැල්ලම්පිටිය පොලිස් වසමේ සේදවත්ත යන ප්‍රදේශවලදී අත්අඩංගුවට ගෙන තිබුණා.
සැකකරුවන් අවුරුදු 18 හා 19 වයස්වල පසුවන බොරැල්ල හා වැල්ලම්පිටිය ප්‍රදේශවලදී පදිංචිකරුවන්.
එක් සැකකරුවෙකු අපරාධයට යොදාගත් යතුරුපැදියේ පැදිකරුයි.
මෙම අපරාධයට අදාළ සැකකරුවන් 06 දෙනෙකු මේ වන විට අත්අඩංගුවට ගෙන ඇති අතර, මේ සම්බන්ධයෙන් බොරැල්ල පොලිසිය හා කොළඹ අපරාධ කොට්ඨාසය වැඩිදුර විමර්ශන සිදුකරනු ලබනවා.
