අනෝන්‍ය තීරුබදු පැනවිම යටතේ ශ්‍රී ලංකාව විසින් සිදුකරන අපනයන සඳහා 30%ක තීරුබද්දක් පැනවීමට අමෙරිකානු ජනාධිපති ඩොනල්ඩ් ට්‍රම්ප් තීරණය කර තිබෙනවා.
ධවල මන්දිරය විසින් මෙරට වෙත නිකුත් කළ නිවේදනයක මේ බව දැක්වෙනවා.
ඒ අනුව මෙම අනෝන්‍ය බදු පැනවීම අගෝස්තු මස 01 වනදා සිට ක්‍රියාත්මක කිරීමට නියමිතයි.
අමෙරිකානු ජනාධිතිවරයා විසින් මීට පෙර ශ්‍රී ලංකාව වෙත පනවා තිබු අනෝන්‍ය තීරුබදු ප්‍රතිශතය 44% ක්.
ශ්‍රී ලංකාවට අමතරව, ඇල්ජීරියාව, ඉරාකය සහ ලිබියාව සඳහා ද 30% ක තීරුබදු පනවා ඇති අතර බෲනායි සහ මෝල්ඩෝවා සඳහා 25%ක් ලෙසත්, පිලිපීනය සඳහා 20%ක් ලෙසත් තීරුබදු පනවන බව දන්වා තිබෙනවා.
