පාර්ලිමේන්තු මන්ත්‍රී රෝහිත අබේගුණවර්ධනගේ දියණිය වන රොෂෙල් අබේගුණවර්ධනට මතුගම මහේස්ත්‍රාත් අධිකරණයෙන් ඇප නියම කර තිබෙනවා.
ඒ රුපියල් ලක්ෂ 20 බැගින් වූ ශරීර ඇප 2 ක් මතයි.
ඇය නීතිඥවරයෙකුගේ මාර්ගයෙන් ඊයේ (30) උදෑසන වලාන මධ්‍යම දූෂණ මර්දන ප්‍රහාරක ඒකකය වෙත භාර වුණා.
ඒ ව්‍යාජ තොරතුරු ඉදිරිපත් කර ලියාපදිංචි කරන ලද බව කියන ජීප් රථයක්, සමගි ජන බලවේගයේ පාර්ලිමේන්තු මන්ත්‍රී ජගත් විතානගේ පුත්‍රයා වන රසික විතානගේ සතුව තිබී සොයා ගැනීමේ සිද්ධියට අදාළවයි.
