විශ්‍රාමික ජ්‍යෙෂ්ඨ නියෝජ්‍ය පොලිස්පති ප්‍රියන්ත ජයකොඩි අපරාධ පරීක්ෂණ දෙපාර්තමේන්තුවේ විශේෂ පොලිස් කණ්ඩායමක් විසින් අද (28) පස්වරුවේ අත්අඩංගුවට ගෙන තිබෙනවා.
ඒ සංවිධානාත්මක අපරාධ කල්ලි සාමාජිකයෙකු වන කෙහෙල්බද්දර පද්මේ නැමැත්තා තමා ඇතුලු පිරිසකට මරණිය තර්ජනය කලේ යැයි කියන අසත්‍ය පුවත් සමාජ ගත කිරීමේ සිද්ධියක් සම්බන්ධයෙන්.
හිටපු අමාත්‍ය ටිරාන් අලස්, ජ්‍යෙෂ්ඨ නියෝජ්‍ය පොලිස්පති ලලිත් පතිනායක සහ තමාට අවස්ථා කිහිපයකදී දුරකතන ඇමතුම් සහ කෙටිපණිවිඩ ඔස්සේ කෙහෙල්බද්දර පද්මේ විසින් මරණීය තර්ජනය කළැයි ප්‍රියන්ත ජයකොඩි මහතා පසුගියදා ප්‍රකාශ කර තිබුණා.
කෙසේ වෙතත් විමර්ශන නිලදාරීන් ප්‍රකාශ කළේ, ප්‍රියන්ත ජයකොඩි මහතාගේ උපදෙස් මත වෙනත් පුද්ගලයෙකු විසින් මෙම දුරකතන ඇමතුම් ලබා දී ඇති බවට සිදුකළ විමර්ශවලදී අණාවරණය වෙමින් පවතින බවයි.
අත්අඩංගුවට ගැනීමෙන් අනතුරුව රෝගී තත්ත්වයක් පිළිබඳව සඳහන් කිරීමෙන් පසු පොලිස් ආරක්ෂාව යටතේ ඔහුව රාගම රෝහලට ඇතුලත් කර තිබෙනවා.
