අධ්යාපන ප්රතිසංස්කරණ සිදුකිරීමේදී මතුව ඇති ගැටලු විසඳීමට විශ්වවිද්යාල ආචාර්යවරුන්, විශේෂඥයන් ඇතුළු සියලු පාර්ශ්වයන් ඒකාබද්ධ කරගත් නිසි නෛතික රාමුවක් සහිත යාන්ත්රණයක් ස්ථාපිත කිරීමට රජය කටයුතු කරමින් සිටින බව ජනාධිපති අනුර කුමාර දිසානායක මහතා ද පැවසුවා.
ඒ විශ්වවිද්යාල ආචාර්යවරුන්ගේ සමිති සම්මේලනය සමඟ අද (21) පෙරවරුවේ ජනාධිපති කාර්යාලයේදී සාකච්ඡාවකට එක් වෙමින්.
දැනට පවතින නීතිරීති සහ අණපනත්වලට අනුව ජාතික අධ්යාපන ආයතනය පදනම් කරගත් ව්යුහයක් මගින් අධ්යාපන ප්රතිසංස්කරණ සිදුකිරීමට යාමේදී මතුව ඇති ගැටලු පිළිබඳව විශ්වවිද්යාල ආචාර්යවරු (FUTA) මෙහිදී කරුණු පෙන්වා දුන්නා.
නව අධ්යාපන ප්රතිසංස්කරණවල අවශ්යතාව තම සංගමයද පිළිගන්නා බවත්, නාගරික පාසල්වල දරුවන්ට වඩා නව අධ්යාපන ප්රතිසංස්කරණවල අවශ්යතාව පවතින්නේ ග්රාමීය පාසල්වල දරුවන්ට බවත් ඔවුන් වැඩිදුරටත් පෙන්වා දී තිබෙනවා.
අධ්යාපන ප්රතිසංස්කරණවලදී මතුව ඇති ගැටලු විසඳීමට ජනාධිපතිවරයා ප්රමුඛ රජය ගත් තීරණය තම සංගමය අගය කරන බවත්, ඒ සඳහා තම දායකත්වය ලබා දීමට සූදානම් බවත් විශ්වවිද්යාල ආචාර්යවරු වැඩිදුරටත් සඳහන් කර තිබෙනවා.
