හිටපු ජනාධිපති රනිල් වික්රමසිංහ මහතාගේ තත්ත්වය යම්තාක් දුරට සතුටුදායක මට්ටමකට පැමිණ ඇති බව කොළඹ ජාතික රෝහලේ වැඩබලන අධ්යක්ෂ වෛද්ය ප්රදීප් විජේසිංහ පවසනවා.
දැඩි සත්කාර ඒකකයේ සිටින විශේෂඥ වෛද්යවරු හිටපු ජනාධිපතිවරයා පිළිබඳව දැඩි අධීක්ෂණයෙන් සිටින බවත් මේ වන විට සතුටුදායක මට්ටමක සිටියද ඔහුගේ තත්ත්වය වෙනස් විය හැකි බවත් වෛද්යවරයා සඳහන් කළා.
හෙට දිනයේ දී ඔහුට උසාවිය ඉදිරියේ පෙනී සිටීමේ හැකියාව පවතීන යන්න පිළිබඳව අද පස්වරුවේ වෛද්යවරුන්ගේ සාකච්ඡාවෙන් පසුව තීරණය කරන බවයි වෛද්ය ප්රදීප් විජේසිංහ වැඩිදුරටත් සඳහන් කළේ .
අත්අඩංගුවට ගැනීමෙන් අනතුරුව රක්ෂිත බන්ධනාගාරගත කෙරුණු හිටපු ජනාධිපති රනිල් වික්රමසිංහ මහතා සම්බන්ධ නඩුව කොටුව මහේස්ත්රාත් අධිකරණයේදී හෙට යළි කැඳවීමට නියමිතයි.
