ඊයේ (19) දහවල් නාරම්මල පොලිස් වසමේ නාරම්මල – ගිරිඋල්ල මාර්ගයේ දී රියදුරුට පාලනය කරගත නොහැකිව මෝටර් රථයක් මාර්ගයේ දකුණු පසට ඇදී ගොස් විරුද්ධ දෙසින් පැමිණි බස් රථයක ගැටී අනතුරක් සිදුව තිබුණා.
මෙම අනතුරින් මාස 09 ක් හා මාස 11 වන දැරියන් දෙදෙනෙක් සහ වයස අවුරුදු 38ක් වූ මෝටර් රථයේ රියදුරු ජීවිතක්ෂයට පත්ව තිබෙනවා.
ඔවුන් දිවුල්ලෑව, මහව ප්‍රදේශයේ පදිංචිකරුවන් බව පොලීසිය පවසනවා.
අනතුරින් බස් රථයේ රියදුරු, කොන්දොස්තර හා මගියෙකු තුවල ලබා දඹදෙණිය රෝහලේ ප්‍රතිකාර ලබනවා.
නාරම්මල පොලිසිය වැඩිදුර විමර්ශන සිදු කරනු ලබනවා.
