සංචාරක බංග්ලාදේශ කණ්ඩායම සහ ශ්‍රී ලංකාව අතර පළමු 20/20 තරගය අද රාතී 7 ට පල්ලෙකැලේ ක්‍රීඩාංගනයේදී පැවැත්වීමට නියමිතයි.
දෙරට අතර ටෙස්ට් තරගාවලිය සහ එක්දින තරගාවලිය ජයගත් ශ්‍රී ලංකා කණ්ඩායම ජයග්‍රාහී මානසිකත්වයකින් අද තරගාවලිය ආරම්භ කරනවා.
බංග්ලාදේශය සමග 20/20 තරගාවලි 5ක් ක්‍රීඩාකර ඇති ශ්‍රී ලංකාව, ඉන් තරගාවලි 4 කම ජය තහවුරුකරගෙන තිබෙනවා.
එක් තරගාවලියක් පමණක් ජයපරාජයෙන් තොරව අවසන් වුණා.
මේ අතර බංග්ලාදේශය සමග පැවති 03 වන එක් දින තරගයේදී ආබාධයට ලක් වූ වනිදු හසරංගට මෙම 20/20 තරගාවලියම අහිමි වී තිබෙනවා.
