පළමු ගොදුර ඩැහැගත් සිංහයෝ…

පන්දුවාර විස්සයි 20 ලෝක කුසලාන ක්‍රිකට් තරඟාවලියේ ශ්‍රී ලංකා කණ්ඩායම සහ සිම්බාබ්වේ කණ්ඩායම සහභාගි වන පළමු පුහුණු තරඟය ජය ගැනීමට ශ්‍රී ලංකා කණ්ඩායම සමත්වී තිබෙනාවා.

තරඟයේ ප්‍රථමයෙන් පන්දුවට පහර දුන් ශ්‍රී ලංකා කණ්ඩායම නියමිත පන්දුවාර විස්ස අවසානයේ කඬුලු 05 ක් දැවී ලකුණු 188 ක් රැස් කළා.

කුසල් මෙන්ඩිස් පන්දු 29 කදී හයේ පහර 3 ක් සහ හතරේ පහර 6 ක් සමඟ රැස් කළ ලකුණු සංඛ්‍යාව 54 ක්. වනිඳු හසරංග පන්දු 14 කදී හයේ පහර 2 ක් සහ හතරේ පහර 4 ක් සමඟ නොදැවී වේගවත් ලකුණු 37 ක් රැස් කළා.

එම ඉලක්කය හබා ගිය  සිම්බාබ්වේ කණ්ඩායම නියමිත පන්දුවාර විස්ස අවසානයේ කඬුලු 05 ක් දැවී ලකුණු 155 ක් රැස් කර තිබුනා.

ඒ අනුව ශ්‍රී ලංකා කණ්ඩායම ලකුණු 33කින් ජයගැනීමට සමත් වුනා.