අනුරාධපුරය සංචාරක ගමනාන්ත ලෙස සංවර්ධනය කිරීමට ඉන්දියාවේ සහාය
අනුරාධපුරය, යාපනය සහ ත්‍රිකුණාමලය නව සංචාරක ගමනාන්ත ලෙස සංවර්ධනය කිරීමට පියවර ගන්නා බව ජනාධිපති අනුර කුමාර දිසානායක මහතා පවසනවා.
අනුරාධපුරය පැරණි රාජධානිය යළි ඉස්මතු වන ආකාරයෙන් ගොඩනැගීම සඳහා අවශ්‍ය මූල්‍යාධාර ලබාදීමට ඉන්දීය රජය එකඟ වී ඇති බවයි ජනාධිපතිවරයා කියා සිටියේ. බේරුවල නගරයේ පැවති ජාතික ජන බලවේගයේ රැළියක් අමතමින් ජනාධිපතිවරයා මේ බව කියා සිටියා.
